“ҲУДУДИЙ ЭЛЕКТР ТАРМОҚЛАРИ” АЖНИНГ “ЭЛЕКТР ЭНЕРГИЯСИНИ ҲИСОБГА ОЛИШНИ АВТОМАТЛАШТИРИШ МАРКАЗИ” ФИЛИАЛИДА БЎШ ИШ ЎРИНЛАРИГА ТАНЛОВ

“Ҳудудий электр тармоқлари” АЖнинг “Электр энергиясини ҳисобга олишни автоматлаштириш маркази” филиалида қуйидаги лавозимларда ишлашни хоҳловчи номзодларни танлов асосида ишга қабул қилиш бўйича таклиф қиламиз. Бизнинг асосий фаолиятимиз электр энергетикасини комплекс рақамлаштириш дастурини ишлаб чиқиш, унда корхоналар ресурсларини режалаштиришни автоматлаштириш (ERP), электр энергиясини ҳисобга олиш ва назорат қилишнинг автоматлаштирилган тизими (ЭЭҲО ва НҚАТ)ни жорий қилишдир.

Номзодлар қуйидаги умумий талаблар асосида кўриб чиқилади:

•  энергетика ва ахборот технологиялари тизимида олий маълумот ва етарли иш тажриба;
•  физика, математика ва информатика фанлари бўйича фундаментал билим;
•  MS Word ва Excel дастурларида ишлай олиш;
•  рус тилини билиши (инглиз тили мақсадга мувофиқ);
•  жамоавий ишлаш ва қийин вазиятларда тезкор фикр юритиш қобилияти.

БИЛЛИНГ ТИЗИМИНИ ЖОРИЙ ҚИЛИШ ВА ТАКОМИЛЛАШТИРИШ БЎЛИМИ

• Бўлим бошлиғи ўринбосари лавозими

Вазифалари:

- “Биллинг” дастурий комплекси ишончлилиги, барқарорлиги ва актуаллигини таъминлаш;

- “Биллинг” дастурий комплекси жорий этиш ва такомиллаштириш бўйича ишларни ташкил этиш;

- “Биллинг” дастурий комплексида етказиб берилган электр энергияси учун ҳисоб-китоб қилишни жорий этиш, такомиллаштириш бўйича ишларни ташкил этиш;

- “Биллинг” дастурий комплекси функционал блокларини ишлаб чиқиш, алгоритм ва функцияларини тестдан ўтказиш;

-  ташқи тизимлари билан алоқаларни назорат қилиш;

- “Биллинг” дастурий комплекси ишлаш жараёнига тегишли локал тармоқ администраторига ва маълумотларни қайта ишлаш ягона маркази дастурий таъминотига фойдаланувчилар вазифаларига мувофиқ  тақсимлаш, аутенфикация қилиш;

Талаблар:

• энергетика соҳасида 3 йилдан ортиқ иш тажрибасига эга бўлиши;
• IT ва операцион экспертиза бўйича кўникмага эга бўлиши;
• “Биллинг” дастурий комплексида ишлаш тажрибаси;
• тармоқ ва телекоммуникация тизимларининг дастурий таъминотида ишлай олиши.

МАРКАЗНИНГ ДАСТУРИЙ-АППАРАТ КОМПЛЕКСЛАРИНИ ИШЛАШИНИ ТАЪМИНЛАШ БЎЛИМИ

Бўлим фаолияти:

- электр энергиясини ҳисобга олиш ва назорат қилишнинг автоматлаштирилган тизими (ЭЭҲО ва НҚАТ) Central AMI System (CAS)га ҳисоблагичлар ва маълумотлар концентраторлари ҳолатини иш куни давомида назорат қилиш ҳамда маълумотларни ҳисобот кўринишида шакллантириш;

- дастурий-аппарат комплекслари ва серверлар ишлаш жараёнларини назорат қилиш;

- ЭЭҲО ва НҚАТнинг CAS орқали аниқланган барча ҳодисаларни таҳлил қилиш, муҳимлик даражасига қараб (ўғирлик, ноқонуний уланиш ва ҳ.к.) тегишли муҳандислар ва электромонтёрларга ҳисобот кўринишида тақдим этиш, туман (шаҳар) ТЭТК масъул ходимларига ушбу аниқланланган хатоликларни бартараф этиш бўйича кўрсатмалар бериш;

- кунлик ҳисоблагичлардан олинган ҳодисаларни ЭЭҲО ва НҚАТнинг CASда ТЭТК ходимлари томонидан текширилганлиги қайднома кўринишида киритиш;

- биллинг тизимида қарздорлик туфайли ўчирилган истеъмолчиларни тармоқдан узилиши ва тўлов қилингандан сўнг тармоққа қайта уланиш жараёнини назорат қилиш.

Бўлим бошлиғи лавозими

Вазифалари:

• ахборот технологиялари ва жиҳозлари эксплуатацияси департаментини бошқариш;
• тизим, тармоқ ускуналари ва инфратузилмасига комплекс, ишончли ва сифатли хизмат кўрсатиш, Интернетга уланиш, юқори унумдорликка эга бўлган тармоқларнинг хавфсизлиги, корхона ҳудудида IT хизматидан масофадан туриб фойдаланиш ва телекоммуникация масалаларига жавобгарлик.

Талаблар:    

• тармоқ ва телекоммуникация ресурслари, хизматлари ва иловалари билан ишлаш бўйича олий таълимга эга бўлиши;
• энергетика соҳасида 5 йилдан ортиқ иш тажрибасига эга бўлиши;IT ва операцион экспертиза бўйича кўникмага эга бўлиши;
• тармоқ ва телекоммуникация тизимларининг дастурий таъминотини лойиҳалаштириш ва амалиётга татбиқ қилиш бўйича кўникмага эга бўлиши;
• тармоқ, телекоммуникация ва ҳисоблаш ускуналарини сотиб олиш, ўрнатиш, уларга техник хизмат кўрсатиш ва бошқариш кўникмалари;
• юқори самарали тармоқ ишланмалари ва опцияларни билиши;
• PMP (лойиҳаларни бошқариш бўйича мутахассис).

​​​​​​​​​​​​​​

- Бош мутахассис лавозими

Вазифалари:

• тармоқ инфратузилмаси, шу жумладан брандмауэр, маршрутизатор, коммутаторлар ва симсиз алоқа тармоқларига хизмат кўрсатиш, уларнинг таъминоти ҳамда вужудга келган муаммоларни бартараф этиш;
• тармоқ трафигини мониторинг қилиб бориш;
• Интернет, телекоммуникация ва тармоқ эксплуатацияси билан шуғулланувчи ташкилотлар билан ишлаш.

​​​​​​​

Талаблар:

• энергетика соҳасида 1 йилдан кўп иш тажрибасига эга бўлиши;
• брандмауэр конфигурацияси борасида чуқур тажрибага эга бўлиши;
• маршрутизатор, VPN-қўлланмалари ва LAN/WAN/VLAN орқали боғланиш тажрибаси;
• киберхавфсизлик бўйича катта иш тажрибасига эга бўлиш.

​​​​​​​

- Мутахассис лавозими

Вазифалар:

• CAS ҳолатини кузатиш (Central AMI System);
• ҳар бир ҲЭТК ва ЭТКдан олинган маълумотларни қайта ишлаш ва консолидация қилиш;
• CAS дастурида маълумотларни яратиш, ёзиш ва нашр қилиш.

​​​​​​​​​​​​​​​​​​​​​Талаблар:

• олий таълимга эга бўлиши;
• IT соҳасида 1 йилдан ортиқ иш тажрибасига эга бўлиши;
• маълумотлар базасини лойиҳалаш ва моделлаштириш, ETL қайта ишлов бериш ва ишлашни оптималлаштириш каби кенг миқёсли маълумотлар хизматларини яратиш ва тарқатиш тажрибасини намойиш этиши;
• Linux, Windows, Apache Spark дастурларида иш юритиш;
• очиқ кодли дастурий таъминотни ишлаб чиқиш ёки уларни юритишда иштирок этиш тажрибасига эга бўлиши;
• Веб-браузер тажрибаси;
• Docker билан ишлаш тажрибаси.

Номзодлар ўз маълумотномаларини  инглиз,  рус ёки ўзбек тилларидаги (CV word шаклида) vakantaskue@gmail.com электрон манзилига юборишингиз сўралади.

Боғланиш учун  71-207-23-70, 94-676-47-47  телефон рақамларига мурожаат қилишингиз мумкин.

Эслатма: танловда иштирок этиш учун тақдим этилган ҳужжатлар комиссия томонидан кўриб чиқилмаслик ҳамда номзодни кейинги босқичга қўймаслик сабаблари ва асослари эълон қилинмайди