Bu xususida “Hududiy elektr tarmoqlari” AJ Boshqaruv raisi Ulug‘bek Mustafoyev hamda «Azerishig» OAJ raisi Vugar Axmedov ishtirokida bo‘lib o‘tgan uchrashuv hamda kompaniyalar o‘rtasida imzolangan o‘zaro Anglashuv memorandum doirasida kelishib olindi. 

Bo‘lib o‘tgan muzokaralar davomida tomonlar ikki mamlakat o‘rtasida tobora rivojlanib borayotgan o‘zaro siyosiy va iqtisodiy aloqalar fonida yuqori tajribaga ega ikki kompaniya o‘rtasida tajriba almashish hamda hamkorlikda loyihalarni amalga oshirish ayni muddao ekanligini qayd etishdi.

Xususan, janob Vugar Axmedov “Hududiy elektr tarmoqlari” Ajning “Elektr energiyasi sotishni avtomatlashtirish markazi” filialiga tashrifi chog‘ida respublikamiz bo‘ylab joriy etilgan elektr energiyasini hisobga olishni avtomatlashtirish tizimi bilan yaqindan tanishib,  mazkur tizimni Ozarbayjonda tajriba tariqasida sinab ko‘rish niyati borligini bildirdi. Va bu borada “Hududiy elektr tarmoqlari” Ajning o‘ziga xos tajribasini yuqori baholagan holda, loyihada o‘zbekistonlik mutaxassislar ishtirokidan mamnun bo‘lishini ta’kidlab о‘tdi. 

O‘z navbatida, “Hududiy elektr tarmoqlari” Aj Boshqaruv raisi delegatsiya a’zolarining O‘zbekistonga tashrifidan  hursandligini alohida ta’kidlab, kelgusida kompaniyalar o‘rtasida yangi tarmoqlarni qurish, muqobil energiya manbalaridan foydalanishda o‘zaro tajriba almashinish hamda to‘lov tizimi bilan bog‘liq masalalarda hamkorlik qilishdan manfaatdor ekanligini qayd etib o‘tdi.

Shuningdek, uchrashuvda tomonlar о‘rtasida zarur jihozlarni ishlab chiqarishda o‘zaro tajriba almashinish, sohada innovatsion texnologiyalarni joriy etishda o‘zaro hamkorlik qilish xususida muzokoralar olib borildi.

“Hududiy elektr tarmoqlari” AJ “Xodimlarni qayta tayyorlash va malkasini oshirish markazi” filiali tomonidan tegishli dastur asosida hududiy korxona va filiallar xodimlarini malakasini oshirish bo‘yicha o‘quv soatlari tashkil etilmoqda.

Bugun, 11 iyul kuni "Hududiy elektr tarmoqlari" AJning "Elektr energiya sotishni avtomatlashtirish markazi" filialiga ommaviy axborot vositalari vakillari, jurnalistlar va blogerlar uchun press-tur tashkil etildi.

“Ayollarning energetika sohasidagi o‘rni: zamonaviy tendensiyalar” mavzuida an’anaviy forum o‘z ishini boshladi Bugun 17 may kuni “Hududiy elektr tarmoqlari“ AJda Oila va xotin-qizlar qo‘mitasi hamda Osiyo tarraqiyot banki hamkorligida “Ayollarning energetika sohasidagi o‘rni: zamonaviy tendensiyalar” mavzuida an’anaviy forum o‘z ishini boshladi.

Bugun, 7 mart kuni “Hududiy elektr tarmoqlari” AJda 8 mart – Xalqaro xotin-qizlar kuniga bag‘ishlangan tantanali bayram tadbiri bo‘lib o‘tdi. Unda “Hududiy elektr tarmoqlari” AJ rahbariyati tizim korxonalarida faoliyat yuritayotgan ayollarni bahorning ilk bayrami bilan samimiy tabriklab, nafis qalb egalariga jamoadagi mehnati va shijoati uchun chuqur hurmat-ehtirom va eng ezgu tilaklarini bildirdi.