Bugun Marhamat tumanida bo‘layotgan o‘zgarishlar har qanday kishining havasini keltiradi. Aytish joizki, qisqa vaqt ichida tumanning, ayniqsa, tuman markazining avvalgi ko‘rinishi butunlay o‘zgardi. Ko‘plab yangi savdo, xizmat ko‘rsatish shoxobchalari, turar-joy binolari, keng va yorug’ yo‘llar, hiyobonlar bunyod etilib, tuman qiyofasiga o‘zgacha ko‘rk bag‘ishlamoqda.

Ayniqsa aholini elektr energiyasi sifatini yanada yaxshilash uchun tuman elektr ta’minoti xodimlari tomonidan tizimli ishlar bosqichma-bosqich amalga oshirib kelinmoqda.

Ayni vaqtda tumanning “Ko'tarma” MFY Kichik ko'tarma ko'chasida qurilish-ta’mirlash ishlari qizg’in tus olgan bo’lib, mahallada joylashgan yog’och tayanchlar o’rniga yangi temir-beton tayanchlar o’rnatilmoqda.

Bundan tashqari ushbu ko’chada yashovchi 50 dan ortiq aholi xonadonlariga yanada qulaylik yaratish maqsadida har qanday ob-havo haroratiga chidamli SIP kabel tarmoqlari tortilmoqda. Tabiiyki, ushbu hayrli ishlardan aholi ko’tarinki kayfiyatda. Hozirda qurilish ishlari davom etmoqda.

“Hududiy elektr tarmoqlari” AJ Andijon hududiy filiali matbuot xizmati.