«Hududiy elektr tarmoqlari» AJ Toshkent shahar filiali tasarrufidagi Yangihayot tuman elektr ta’minoti tomonidan aholini elektr energiya bilan barqaror ta'minlash maqsadida qator ishlar amalga oshirilmoqda.

Xususan, tumanning «THAY-Do'stlik» hududida yangi tashkil etilayotgan ishlab chiqarish korxonalarini barqaror elektr energiyasi bilan ta'minlash maqsadida «Do'stlik» podstansiyasi qurilmoqda.  

Hozirda mazkur podstansiyaning qurilishi bo'yicha yangi kabel tarmog`ini tortish uchun boshlangan qazish ishlari o'z yakuniga yetkazilib, endilikda uzunligi 6 km bo'lgan zamonaviy kabel tarmog`i tortilmoqda. 

Bundan tashqari, "Yangi Darxon" mahallasining Navro'z ko'chasidagi past kuchlanishli kabellar o'rniga katta quvvatli 2 ta transformator punkti o'rnatilganini qayd etish joiz. Ahamiyatlisi, har ikkala transformator 2,01 km elektr uzatish tarmog'iga ega. 

Tuman elektr ta'minoti tomonidan Davlat dasturi asosida aniq belgilangan chora-tadbirlar asosida olib borilayotgan bu kabi ishlar amaliy ishlarning barchasi iste'molchilarni sifatli hamda ishonchli elektr energiyasi bilan ta'minlashga qaratilgan.

«Hududiy elektr tarmoqlari» AJ Toshkent shahar filiali matbuot xizmati.