“Hududiy elektr tarmoqlari” AJ Andijon hududiy filiali tarkibidagi barcha korxonalar qish mavsumini betalofat o’tkazish maqsadida hududlarda elektr energiyasi ta’minotidan yuzaga kelayotgan nosozliklarni ta’mirlash bilan bir qatorda mahallalarda qurilish-ta’mirlash ishlarini ham tizimli tarzda olib bormoqdalar.

Oltinko’l tumanida joylashgan “Oq tumor” MFY tarkibagi 5 ta ko’chada yashovchi aholi xonadonlarining elektr ta’minoti endi yanada yaxshilanadi. Boisi ushbu mahallaga 2 dona quvvati 160 kVA bo’lgan transformator punkti hamda jami 157 dona temir-beton tayanchlar olib kelib o’rnatildi.

Endilikda ushbu ko’chalarga jami 4 km uzunlikdagi SIP kabel tarmoqlari tortiladi. Ushbu hayrli ishlar natijasida 545 ta aholi xonadonlarining elektr ta’minoti yanada yaxshilanadi.

“Hududiy elektr tarmoqlari” AJ Andijon hududiy filiali matbuot xizmati.