"Hududiy elektr tarmoqlari" AJ Surxondaryo hududiy filiali tomonidan iste’molchilarni barqaror elektr energiyasi bilan ta’minlash yuzasidan olib borilayotgan amaliy va keng kо‘lamli say-harakatlar, xususan, Sherobod tumanida joylashgan temir-beton tayanch ishlab chiqarish zavodi faoliyati bilan jamoatchilikni yaqindan tanishtirish maqsadida jurnalist va blogerlar uchun media tur tashkil etildi.

Press-tur davomida zavod faoliyati, bu yerda ishchi-xodimlarga yaratilgan sharoitlar haqida ma’lumotlar berildi. Ta’kidlanganidek, zavodda temir-beton tayanchlardan tashqari travers, metall konstruksiyalar va sohada zarur bо‘lgan boshqa mahsulotlar shu yerning о‘zida tayyorlanadi.

"Hududiy elektr tarmoqlari" AJ Surxondaryo hududiy filiali matbuot xizmati.