ЭЛЕКТР ТАРМОҚЛАРИДА МОДЕРНИЗАЦИЯ ЖАРАЁНЛАРИ АВЖИДА

Президентимизнинг "2017-2021 йилларда паст кучланишли электр тармоқларини янада  модернизация қилиш ва янгилаш дастури тўғрисида"ги 2661-сонли қарори ижросини таъминлаш мақсадида, “Сирдарё ҲЭТК”  АЖ томонидан жойларда электр таъминотини яхшилаш мақсадида амалий ишлар олиб борилмоқда.

Хусусан, Боёвут тумани “Янгиобод” маҳалласига қуввати 160 кВА бўлган 1 дона янги трансформатор пункти ҳамда  36 дона темир-бетон таянчлар  ўрнатилганидан сўнг туман электр таъминоти корхонаси ишчи-ходимлари томонидан 1 км 500 метр узунликда замонавий СИП кабелларини тортиш ишлари олиб борилди.

Сайхунобод тумани "Сентоб" маҳалласида истиқомат қилувчи аҳоли истеъмолчиларининг электр таъминотини яхшилаш мақсадида ҳам 80 дона темир-бетон устунларни ўрнатиш жараёнлари бошлаб юборилган.

“Сирдарё ҲЭТК” АЖ матбуот хизмати.