Elektr xavfsizligi oyligi doirasida respublikamizning barcha tumanlaridagi umumta’lim maktablarida o‘quvchilar o‘rtasida elektr energiyasidan xavfsiz foydalanish qoidalarini targ‘ib etishga qaratilgan profilaktik tadbirlar o‘tkazilmoqda.

Shu jumladan, Toshkent shahridagi 157-sonli umumta’lim maktabida ham o‘quvchilar uchun “Energiya xavfsizligi – hayot xavfsizligi” mavzusida ochiq dars tashkil etildi.

Dars davomida mutaxassislar o‘quvchilarga elektr toki bilan bog‘liq xavf-xatarlar, elektr qurilmalaridan foydalanishda ehtiyot choralariga rioya qilish, elektr tarmoqlari yaqinida xavfsizlik qoidalariga amal qilish hamda favqulodda vaziyatlarda to‘g‘ri harakatlanish bo‘yicha muhim tavsiyalar berdilar.