“CHINOBOD” PODSTANSIYASINING QUVVATI OSHIRILDI

Andijon viloyati aholisini sizfatli elektr energiyasi bilan ta’minlash maqsadida “Hududiy elektr tarmoqlari” AJ Andijon hududiy filiali tomonidan hududlarda podstansiyalarning quvvatini oshirish ishlari bosqichma bosqich amalga oshirilmoqda.

Xususan, Baliqchi tumanida joylashgan “Chinobod” 110/35/10 kV podstansiyasidagi mavjud T-1 quvvati 16000 kVA bo’lgan kuch transformatori quvvati 25000 kVA bo’lgan kuch transformatoriga almashtirildi. Buning natijasida ushbu podstansiyaning quvvati 9 000 kVA ga oshirilib, tumandagi 10 mingdan ortiq aholi xonadonlarining elektr energiyasi sifati yaxshilanishiga erishildi.