O‘zbekiston Respublikasi Vazirlar Mahkamasining tegishli farmoyishiga asosan hududlarda mahallalarning elektr energiyasi ta'minoti sifatini yaxshilash borasida belgilangan ishlar davom etmoqda.

Xususan, Jalaquduq tumanining “Ittifoq” mahallasi tarkibida 11 ta ko’chalar mavjud bo’lib, ayni vaqtda ushbu ko’chalarda yashovchi 579 ta xonadonlarga sifatli elektr energiyasi yetkazib berish uchun amaliy ishlar boshlab yuborilgan.

Loyiha hujjatlariga asosan, ushbu hududga jami 105 ta temir-beton tayanch, 1 dona transformator punkti o’rnatish hamda 3,2 km uzunlikdagi yangi tarmoq tortish ishlari rejalashtirilgan bo’lib, dastlabki ishlar mahallaning Yoshlar ko’chasidan boshlandi. Ushbu ko’chaga 46 dona temir-beton tayanchlar olib kelinib, hozirda o’rnatish ishlari bajarilmoqda.

“Hududiy elektr tarmoqlari” AJ Andijon hududiy filiali matbuot xizmati.