Call-center: 1154

ПАХТАКОР ТУМАН ЭЛЕКТР ТАЪМИНОТИ КОРХОНАСИ ТОМОНИДАН РЕЖАЛИ ИШЛАР ДАВОМ ЭТТИРИЛМОҚДА

ПАХТАКОР ТУМАН ЭЛЕКТР ТАЪМИНОТИ КОРХОНАСИ ТОМОНИДАН РЕЖАЛИ ИШЛАР ДАВОМ ЭТТИРИЛМОҚДА

Пандамея шароити аҳолининг кўчалардаги ҳаракатлари, меҳнат қилиши ва фаровон турмуши учун ўз таъсирини кўрсатмасдан қолмади. Бу борада Пахтакор туман электр таъминоти корхонаси пандамея шароитида ҳам иш фолиятини бир зум тўхтатгани йўқ. Корхона томонидан режали ишлар давом эттирилмоқда.

Туман электр таъминоти корхонаси томонидан бугунги кунда 681 та улгуржи ҳамда 14697 та аҳоли истеъмолчилари электр энергияси билан таъминланмоқда.

2020-2021 йиллар куз-қиш мавсумида ижтимоий соҳа объектлари, аҳоли истеъмолчилари ва ишлаб чиқариш корхоналарини кафолатли электр энергияси билан таъминлаш учун ишлаб чиқилган чора-тадбирларга асосан 41,2 км 0,4-6-10-35-110 кВли ҳаво тармоқлари, 11 дона 10/0,4 кВ трансформатор пункти мукаммал таъмирланиши режалаштирилган бўлиб, режага асосан бугунги кунгача 38,0 км 0,4-6-10-35-110 кВли ҳаво тармоқлари (92,1%) ҳамда 9 дона трансформатор пункти (81,8%) мукаммал таъмирланди.

2020 йилда 79,8 км 0,4-10-35-110 кВли ҳаво тармоқлари, 20 дона трансформатор пунктини жорий таъмирлаш режалаштирилган бўлиб, режага асосан 71,9 км ҳаво тармоқлари (90,1%) ҳамда 19 дона трансформатор пункти (95,0 %) жорий таъмирланди. 

Ўзбекистон Республикаси Призидентининг 2016 йил 23 ноябрдаги ПҚ-2661-сонли «2017-2021 йилларда паст кучланишли тармоқларни янгилаш ва модернизация қилиш дастури тўғрисида»ги ҳамда Ҳукуматнинг бошқа қарорлари ижросини таъминлаш мақсадида Пахтакор туман электр таъминоти корхонаси томонидан 2020 йилда 38,9 км ҳаво тармоғи қуриш ва 9 дона трансформатор пункти ўрнатиш режалаштирилган бўлиб, режага нисбатан ҳозирги вақтда 26,9 км (режага нисбатан 69,2%) ҳаво тармоғи қурилган ва 5 дона (режага нисбатан 55,6%) трансформатор пунктлари ўрнатилган.

Жорий йилнинг 8 ойи давомида «Халқ қабулхонаси» орқали жисмоний ва юридик шахслардан 22 та мурожаат келиб тушган, шундан 21 таси ўз вақтида ижобий ечим топган. 1 та мурожаат юзасидан белгиланган ишлар тугатилиши арафасида. Корхонага тўғридан-тўғри келиб  тушган 59 та мурожаатнинг барчаси ҳал этилган.

"Жиззах ҲЭТК" АЖ матбуот хизмати.

 

 

  • 15.09.2020
  • 34
Diqqat! Veb-sayt test holatida ishlamoqda.